Nagalapas sa international law kag ginatawag na nga “war crime” ang ginhimo sang Russia nga pagpwersa agud masaylo kag ma-deport ang kabataan halin sa Ukraine padulong sa areas nga kontrolado na sang Moscow.
Lakip ini sa una nga report sang high-level investigation team matapos gintukod ini sang United Nations Human Rights Council sang nagligad nga tuig agud matumod ang violations sang Russia sa invasion sini sa Ukraine.
Suno pa sa report sang Commission of Inquiry, kadam-an sang violations sang Moscow ang katumbas na sa war crimes.
Kun basehan ang Kyiv, nagdangat sa 16,221 ka Ukrainian children ang gin-deport sa Russia as of last month.
Indi ma-verify sang mga imbestigador ini nga numero apang may ginpatpat nga mga indikasyon nga ginpangsaylo na sang Russia ini nga mga bata sa institutions kag foster homes kag ginpanghatagan man sila sang Russian citizenship.
Ini nga report ang nagatudlo sa decree nga ginpirmahan ni Russian President Vladimir Putin nga naga-facilitate sang pag-grant sang Russian citizenship sa pila ka mga kabataan halin sa Ukraine ead 4-18 anyos. ##
