Iloilo City – Ginkasubo ni Jalandoni Estate Lapuz Punong Barangay Efren Gimeo ang pag-demolish sang pila ka mga government buildings sa lugar.
Ini may kaangtanan sa ipatuman sang Department of Public Works ang Highways Region 6 nga road widening kag ipahamtang nga drainage system sa lugar.
Sa interview sang Bombo Radyo kay Gimeo, iya ginpahayag nga ginakabalak-an sang barangay ang sayluhan sini nga opisina bangud nalakip sa gin-demolish ang barangay hall.
Nalakip man sa mga demolition ang Senior Citizen’s Office, Healthe Center kag Community Police Assistance Center.
Suno kay Gimeo, kun tani antes ini ginsaylo, ginhatagan ini sang relocation site.
Ginpahayag dugang sang natungdan nga nagsaylo nalang ang mga ini sa opisina nga ginpondohan ni Iloilo City Lone District Cong. Julienne “Jam-Jam” Baronda.
