Iloilo – Mas ginpabaskog pa sang Iloilo Provincial Health Office kaupod ang mga partnered agencies kag local government units ang Human Immunodeficiency Virus counseling kag testing coverage.
Ini agud mas madamo nga tawo ang makahibalo sang ila status kag mahatagan sang insakto nga pagbulong kag malikawan ang transmission.
Sa interview sang Bombo Radyo kay Dr. Rodney Labis, Chief sang Health Service Delivery Division sang Iloilo Provincial Health Office, iya ginpahayag nga humalin sang tuig 1986 tubtob Enero 2023, nakarekord ang probinsya sang 1,518 cases.
Sa numero nga ini, 29 ang narekord subong nga tuig.
Sa kabilugan naman nga narecord nga kaso, yari ang mga apektado nga age group:
*15-anyos panubo – apat ka mga kaso
- 15 tubtob 24 – 481 ka mga kaso
- 25 tubtob 34 – 738 ka mga kaso
- 35 tubtob 49 – 261 ka mga kaso
- 50-anyos pataas – 34 ka mga kaso
Samtang, sa mode of transmission, kadam-an sini amo ang:
- Males to males only – 888 cases
- Males to males and females – 396 cases
- Males to females sex – 211 cases
- Mother-to-child – two cases
- unknown – 21 cases
Suno kay Labis, ila na-obserbahan nga nagataas ang kaso sang HIV humalin sang tuig 2020.
Agud nga mapataas ang public awareness natuhoy sa Human Immunodeficiency Virus, kaupod sa partnered agencies, gin-intensify man sang Iloilo Provincial Health Office ang information and education campaign.
Yari naman ang mga health facilities sa syudad kag probinsya sang Iloilo nga nagatanyag sang HIV treatment:
-Western Visayas Medical Center sa Mandurriao, Iloilo City
-Rep. Pedro G. Trono Memorial Hospital sa Guimbal, Iloilo
-Iloilo Provincial Hospital sa Pototan, Iloilo kag;
-Jesus M. Colmenares Memorial District Hospital sa Balasan, Iloilo.
Ginaduso man sang Iloilo Provincial Health Office ang mga rural health units nga magpa-accredit para sa HIV testing agud nga mas accessible sa publiko ang testing kag treatment.
