Iloilo – Ginkalipay sang Police Regional Office 6 ang nangin madinalag-on nga buy-bust operations sa Western Visayas.
Ini matapos nga nagdangat sa masobra sa P 7.2 Million ang na-recover sang kapulisan sa ginpatigayon nga special week-long simultaneous anti-criminality operations ukon “Birada Semana” umpisa sang Marso 13 tubtob 19, 2023.
Sa interview sang Bombo Radyo kay Police Major Mary Grace Borio, spokesperson sang Police Regional Office 6, iya ginpahayag nga nangin dako nga bulig ang ginhatag sang Iloilo City Police Office kag Bacolod City Police Office sa pagkaaresto sang mga durugista.
Suno kay Borio, 235 ang ginpatigayon nga operasyon sang kapulisan kun sa diin 248 diri ang wanted persons.
Sa numero nga ini, 43 ang Most Wanted Persons kag 205 ang wanted persons.
Samtang, wala man ginpanginwala sang natungdan nga may yara sa gihapon sang nagakatabo nga illegal drug trade sa Western Visayas.
Para kay Borio, bangud sa nagluntad nga illegal drug trade, mas nangin seryoso ang mga kapulisan pinaagi sa padayon nga operasyon sa pagpapas sang mga durugista.
