Gin-postpone ang state visit ni King Charles sa France bangud sa bayolente nga protesta sang mga tawo batok sa French government bangud sa kontrobersyal nga pension reforms.
Sa Domingo tubtub sa Myerkules kuntani natalana nga mag-abot ang hari kag ang Queen Consort sa Paris kag sa southwestern city sang Bordeaux.
Apang sa kaakig sang mga residente sa ginaduso nga i-raise ang pension age, mismo ang Bordeaux town hall ang ila nga ginsunog.
Masobra isa ka milyon ang nagguwa sa dalan sa France lakip na sang 119,000 sa Paris suno sa figures nga ginpaguwa sang interior ministry.
Nagdangat na ini sa pag-fire sang pulis sang tear gas sa protesters sa Paris kag 80 ang mga naaresto.
Indi pa subong maathag kun sin-o ang responsable sa pagsunog sa town hall apang madasig man nga napatay sang mga bumbero ang kalayo.
