Leganes, Iloilo – Ginakabalak-an sang mga mangunguma sa probinsya sang Iloilo ang tuman nga pagmahal sang abono kag pesticides.
Sa interview sang Bombo Radyo kay Maricel Valderas, farm owner sa Barangay Lapayon, Leganes Iloilo, iya ginpahayag nga apisar may ginapanagtag nga libre nga binhi kag abono ang Department of Agriculture, indi ini bastante para sa iya uma.
Sa pagkamatuod suno sa natungdan, atrasado man ang pagpanagtag sang abono.
Bangud sini suno kay Valderas, masami nga nagakapyerde ang mga mangunguma bangud sa pagmahal sang abono kag pesticides.
Nagalaom naman ang natungdan nga mangin barato na ang balor sang abono kag pesticides agud makatibawas man ang mga ini sa mga ginpang-gasto sa pagpanguma.
