ILOILO CITY – Hingyuon sang Committe on Public Utility sang Iloilo City Council ang mga carwash business owners nga magkinot sang tubig bangud sang naeksperyensyahan nga water shortage sa syudad.
Sa interview sang Bombo Radyo kay Iloilo City Councilor Romel Duron, Chairman sang Committee on Public Utilities sa Sangguniang Panlunsod, iya ginpahayag nga nagakadapat nga hatagan sang igtalupangod ang pagkinot sang tubig kaangay sang papabuhin sa car cleaning kun indi man kinahanglanon.
Suno kay Duron, nagalaom ini nga matun-an ang sitwasyon sang mga carwash sa syudad antes nga magpadala sang sulat sa pag-regulate sa pag-gamit sang tubig.
Nagapanugyan naman ang natungdan nga mahimo magkinot anay sang tubig bangud sa limitado nga water resources kag pagsulod sang dry season.
