Iloilo City Mayor Jerry Treñas, nagpanawagan sa DPWH Reg 6 nga ipagwa na ang resulta sang imbestogasyon sa Ungka flyover

ILOILO – Nagpanawagan si Iloilo City Mayor Jerry Treñas sa Department of Public Works and Highways Region 6 nga ipagwa na ang resulta sang imbestigasyon sang third party consulting firm sa kontrobersyal nga P680-million Ungka Flyover.

Sa interview sang Bombo Radyo kay Mayor Treñas, iya ginpahayag nga una na niya nga ginlauman ang resulta antes magtakop ang bulan sang Marso, apang napaslawan ini sa pagkuha sang update bangud nagmasakit ini.

Suno kay Treñas, apisar nga wala niya nakuha ang resulta, hulaton niya ini tubtob subong nga adlaw, Abril 12.

Kagab-i, ginlauman nga nagpakig-angot ang alkalde kay Department of Public Works and Highways Region 6 Asst. Regional Director Jose Al Fruto agud istoryahon nahanungod sa sitwasyon sang nasambit nga flyover.