ILOILO CITY – Gin-athag sang Iloilo City Public Safety and Transportation Management Office nga indi sablag sa dalanon sang syudad ang streetfood vendors.
Ini matapos nga nakabaton sang reklamo ang opisina, apang nanindugan nga manageable man ini.
Nahibaluan nga may yara sang 193 nga narehistro nga streetfood vendors sa Iloilo City.
Sa interview sang Bombo Radyo kay Mr. Jeck Conlu, pinuno sang opisina, iya ginpahayag nga apisar may yara sang nagasablag sa dalan, nagasunod man sa gihapon ang mga manugbaligya sa mga otoridad kun ginasaway.
Suno kay Conlu, nagakinahanglan lamang nga maplastar sang maayo ang mga food carts agud indi magtuga sang huol sa mga pumuluyo
Hugot naman nga nagapanindugan si Conlu nga indi kinahanglan nga limitahan ang oras sang pagbaligya sang mga streetfood vendors bangud diri sila nagasalig sang palangabuhian kag ini na ang kabahin sang syudad antes ini amat-amat nga nangin moderno.
