ILOILO – Napulo ka mga police stations sa Probinsya sang Iloilo ang may bag-o na nga Chief of Police.
Ini kaangot sa pagsulundan sang Philippine National Police nga 2-year maximum tenure kun sa diin kinahanglan na sang mga Chief of Police sang bag-o nga area of assignment.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga indi na bag-o ang reassignment sa mga kapulisan ilabi na kun nalab-ot na sang mga hepe ang duha ka tuig nga pagpangalagad sa ila tagsa ka area of assignment.
Suno kay Araño, nalakip sa mga Chief of Police nga may yara sang bag-o nga assignment amo ang masunod:
Si Passi City Chief of Police, Police Lieutenant Colonel Dennis Pamonag ang ginbuslan ni Police Lieutenant Colonel Aron Palomo nga anay Chief of Police sang Roxas City, Capiz.
Gin-reassign naman bilang Assistant Station Deputy Station Commander sang Passi City Police Station si Police Captain Jersey Besas nga anay hepe sang Anilao Municipal Police Station.
Si Besas ang ginbuslan naman ni Police Captain Maria Fe Umiten bilang hepe sang Anilao Municipal Police Station.
Ang Chief of Police sang banwa sang Cabatuan nga si Police Major Myles Dieron ang ginbuslan ni Police Captain Dionisio Estacio nga amo ang hepe sang San Joaquin Municipal Police Station.
Ginbuslan naman si Estacio ni Police Captain Felix Perez bilang hepe sang San Joaquin Municipal Police Station.
Si Police Major Myles Dieron ang nagapangalagad na subong sa Calinog Municipal Police Station.
Si San Enrique Chief of Police, Police Major Gilbert Baldevarona ang ginbuslan ni Police Captain Jhonny Oro.
Si Sara Municipal Police Station Chief of Police, Police Lieutenant Colonel Norlan Perante ang ginbuslan ni Police Major Aldren Lamera.
Si Pavia Municipal Police Station Chief of Police, Police Rolando Araño ang ginbuslan ni Police Major Dadjie Delima.
Si San Miguel Municipal Police Station Chief of Police, Police Major Sullen Dominggo ang ginbuslan ni Police Major Richard Lao.
Si Dominggo naman ang yara na karon sa 2nd Iloilo Police Mobile Force Company.
Ginre-assign naman si Police Captain Jojo Octavo sa Sta. Barbara Municipal Police Station bilang Assistant Station Deputy Chief of Police.
Samtang, si Police Lieutenant General Enrique Robles ang nagapungko na subong bilang hepe sang Ajuy Municipal Police Station.
Nagalaom naman si Araño nga matungdan sang maayo sang mga na-reassign nga Chief of Police ang responsibilidad bangud ang mga ini ang may yara sang manami nga mga record.
