ILOILO CITY- Nalakip ang Ilonggo singer nga si Jed Madela sa top 20 sang pinaka-popular nga performers sa Pilipinas.

Ini base sa listahan sang Singersroom.com nga isa ka online music magazine nga devoted sa news, reviews, interviews, music, videos, lifestyle kag fashion trends sa R&B kag urban-pop culture.

Sa amo nga listahan, rank #4 si Madela.

Ginkilala naman si Lea Salonga bilang top Filipino singer of 2023, nagpangaduha si Regine Velasquez, kag pangatlo si Gary V.

Yara man sa listahan sanday Sarah Geronimo, Arnel Pineda, Aiza Seguerra, KZ Tandingan,Moira dela Torre, Kyla, Kuh Ledesma, Jona Viray, Bella Poarch, Freddie Aguilar, Rachell Anne Go, Sharon Cuneta, Francis Magalona, Bamboo Manalac, kag Angeline Quinto.