STA. BARBARA, ILOILO – Padayon pa nga ginaimbestigaran sang Sta. Barbara Fire Station ang nagluntad nga grassfire sa Barangay Bolong Oeste, Sta. Barbara.
Ginabulubanta duha ka ektarya sang talamnan ang ginlamon sang kalayo.
Sa interview sang Bombo Radyo kay Senior Fire Office 3 Terzo Obera, Fire Marshal sang Sta Barbara Fire Station, iya ginpahayag nga sa inisyal nga impormasyon, may yara sang nagpanutod sa lugar rason nga amat-amat nga nag-ibwal ang kalayo.
Suno kay Obera, indi nangin mahapos ang pagpalong sang kalayo bangud pabaylo-baylo ang direksyon sang hangin nga rason sang paglapta sang kalayo.
Nagpanugyan man ang natungdan nga likawan ang pagpanutod kag pagbilin sang mga device sa mga outlets nga masami ginatunaan sang sunog.
Samtang, wala naman sang may narekord nga napilasan sa insidente.
