Ginlamon sang kalayo ang isa ka boardinghouse sa Barangay Salvacion Habog-habog, Molo,Iloilo City.
Duha ka pamilya ang apektado sang amo nga sunog.
Sa interview sang Bombo Radyo kay Romualdo Ebro, isa ka boarder, iya ginpahayag nga nalakip sa nasunog sa ila gamit amo ang telebisyon, cellphone, refrigerator, kag electric fan.
Wala gid sang nabilin sa ila gamit suno kay Ebro apang ma-swerte lang nga wala man sang nasamaran sang natabo ang insidente.
Ginpahayag ni Ebro nga may napanimahuan pa ang iya iloy nga nasunog nga kuryente antes ang pagdaku sang kalayo.
Padayon pa ang imbestigasyon sa rason sa nagluntad nga sunog.
