ILOILO CITY – Nagpanugyan ang mga eksperto nga mag-aligmat kag mag-obserbar sang minimum public health protocols kadungan sang pagtaas sang kaso sang coronavirus disease sa Western Visayas.
Ini matapos nga gin-issue ni Iloilo City Mayor Jerry P. Treñas ang health board advisory No.1-2023 nga nagamando sa publiko nga mag-gamit sang face mask sa indoor kag outdoor areas sa syudad sang Iloilo.
Sa interview sang Bombo Radyo kay Dr. Philip Ian Padilla, isa ka public health expert, iya ginpahayag nga sang nagligad nga duha ka semana, nagtaas ang kaso sang nasambit nga balatian indi lang sa Pilipinas, kun di nalakip man ang mga Southeast Asian countries kaangay sang India.
Diri na kag kinahanglan sang publiko suno sa eksperto nga magpabakuna batok sa coronavirus disease, mag-obserbar sang physical distancing, kag mag-hugas sang kamot agud indi na maglapta pa ang balatian.
Sa data sang Department of Health Western Visayas Center for Health Development, humalin sang Enero 1 tubtob Abril 18, may yara sang 167 ka mga confirmed cases sang coronavirus disease sa syudad kun sa diin, 130 ang naka-recover kag duha ang napatay.
