ILOILO CITY – Kadungan sang pag-obserbar sang World Parkinson’s Month subong nga Abril, may yara sang pila ka mga organisasyon nga nagapadayon sang kawsa agud ipalapnag ang ihibalo natuhoy sa nasambit nga balatian.
Nahibaluan nga ang Parkinson’s disease ang isa ka brain disorder nga nagatuga sang uncontrollable movements ukon indi makontrol nga mga hulag kaangay sang pagkurog, pagtig-a kag mabudlay nga pagbalanse sang lawas.
Sa interview sang Bombo Radyo kay Mr. Novy Bereber, founder/director sang Bereber Sayaw for Parkinson’s Disease Organization, iya ginpahayag nga pito ka tuig na humalin sang gin-umpisahan niya ang kawsa agud mabuligan ang mga nagasuprer sang nasambit nga balatian.
Suno kay Bereber, nag-umpisa ang iya kawsa sa Sydney, Australia matapos nga nangin dance instructor para sa mga Parkinson’s disease patients.
Diri na kag nahatagan ini sang inspirasyon nga magpahamtang sang kaangay man nga advocacy sa Pilipinas, partikular na diri sa Iloilo.
Ginpahayag dugang sang natungdan nga nag-umpisa ini sang duha lamang nga mga estudyante, kag nadugangan sang 13.
Sa subong, nagatanyag sang libre nga klase ang organisasyon kada Miyerkules sa Museo de Iloilo nga may tinutuyo nga mapa-improve ang kondisyon sang mga nagasuprir sang amo nga balatain.
