ILOILO CITY – Nalakip ang isa ka Ilongga nga Bombo International Correspondent sa upcoming thriller film nga “Holland, Michigan” nga ginabidahan sang American-Australian actress nga si Nicole Kidman.
Ang nasambit nga pelikula ang nakasentro sa istorya sang isa ka teacher nga may yara sang affair kaupod sang iya co-worker kag nadiskubrehan ang dark secret life sang iya bana.
Suno kay Bombo Dee Donasco-Thompson, international correspondent sa Tennessee, ang large scale production ang gina-film sa Nashville, Tennessee.
Ginpahayag dugang sang natungdan nga mismo si Nicole ang nag-engganyo sa iya nga mangin kabahin sang pelikula, gani dako gid ang kalipay sini matapos nga napilian bilang isa sa mga casts.
Ini nga pelikula ang gin-direct ni Mimi Cave halin sa screenplay ni Andrew Sodroski.
