ILOILO CITY – May patigayunon nga nationwide examination ang Philippine Air Force para sa Officer Candidate Course kag Special Enlistment sa Mayo 4 tubtob 6 sa 6th Regional Community Defense Group Gym, Camp General Adriano D. Hernandez sa banwa sang Dingle.
Sa interview sang Bombo Radyo kay Lieutenant Colonel Ramedinthine Tolentino, Group Commander sang Tactical Operations 6 sang Philippine Air Force, iya ginpahayag nga may yara sang duha ka qualifying examinations para sa luyag nga mangin katapo sang Philippine Air Force pinaagi sa pagkuha sang Philippines Service Aptitude Test kag Philippine Air Force General Classification Test.
Suno kay Tolentino kinahanglan ang masunod nga qualifications para sa Philippine Air Force Officer Candidate:
-naga-edad sang 21 tubtob 27-anyos upon admission para sa training
-4 ukon 5-year college graduate nga may yara sang Baccalaureate Degree ukon graduating subong nga semester
-natural-born citizen sang Republic of the Philippines
-may yara sang good moral character
-single, indi kasado, kag wala sang anak
-may height nga 152.4 centimeters ukon 5.0′ ft sa babayi kag lakaki
-Physically and mentally fit para sa military training
Samtang, para naman sa Special Enlistment, kinahanglan ang masunod nga qualifications:
-Natural born Filipino citizen
-Single or married
-kinahanglan nga nagataas sang 152.4 centimeters ukon 5.0′ sa babayi kag lalaki
-naga-edad sang 18 tubtob 35 years old upon enlistment
-nakumpleto ang 12-years sang basic education sa idalom sang K to 12 program ukon natapos ang 72 units sang collegiate course halin sa government-recognized institution.
