ILOILO CITY – Nagpanawagan ang mga market vendors sang Iloilo Central kag Iloilo Terminal Market sa Iloilo City Government sang dugang nga igtalupangod kasunod sa pag-take-over sang SM Prime Holdings, Inc. sang mga merkado.
Sa interview sang Bombo Radyo kay Francisca Asucena Erfe, manugbaligya sa Iloilo City Terminal Market, iya ginpahayag nga tuman ini ka apektado bangud sa tion nga paarkilahan na ang merkado sa developer, wala na sang pwesto ang mga ini.
Nahibaluan nga ang pagpa-arkila sa mga developer ang magalawig sa sulod sang 50 ka tuig.
Suno kay Erfe, naga-comply ang mga vendors sang balayran, gani nagakahangawa ang mga ini sa ila sitwasyon kun maumpisahan na sang developer ang pagtake-over.
Ginpahayag dugang sang natungdan nga pahanagutan na lamang ang mga ini tubtob sa Mayo 31 sa sulod sang merkado.
