ILOILO – Dako ang tsansa sa pag-develop sang El Niño sa masunod nga tatlo ka bulan tubtob sa first quarter sang 2024 sa Pilipinas.
Ini matapos nga ginpasaka sang Philippine Atmospheric, Geophysical and Astronomical Services Administration ang El Niño Alert status sa pungsod.
Sa interview sang Bombo Radyo kay Rusi Abastillas, Senior Weather Specialist sang Climate Monitoring and Prediction Center sang Philippine Atmospheric, Geophysical and Astronomical Services Administration, iya ginpahayag nga ginalauman ang tumalagsahon nga pagtaas sang temperatura umpisa Hunyo tubtob Agosto.
Suno kay Abastillas, may posibilidad man nga magadangat sa 80% probability nga magalawig ini sa first quarter.
Ginpahayag dugang sang natungdan nga magresulta ang El Niño sang below-normal nga rainfall conditions, dry spell kag tigpalamangag sa iban nga bahin sang pungsod.
Ang El Niño phenomenon ang isa ka indi normal nga pag-init sang sea surface temperatures sa central kag eastern equatorial Pacific Ocean kag may below-normal nga pag-ulan.
