Iloilo City Councilor Sedfrey Cabaluna, ginaduso sa konseho ang paghatag sang sense of urgency sapagbinaha sa depektibo nga Ungka flyover

ILOILO CITY – Ginaduso ni Iloilo City Councilor Sedfrey Cabaluna, chairman sang Committee on Public Safety sa konseho, nga nagakinahanglan sang sense of urgency ang sitwasyon sang pagbinaha sa depektibo nga Ungka flyover.

Kasunod ini sang natabo nga pagbalod-balod sa idalom sang amo nga proyekto sang nagsugod ang pag-ulan sa syudad kag probinsya sang Iloilo bangud sa low pressure area.

Sa interview sang Bombo Radyo kay Councilor Cabaluna, iya ginpahayag madamo na ang na-perwisyo kag naga-antos bangud sa pagbinaha.

Ginpahayag dugang sang natungdan nga magatambong ini sa pagsinapol sang Regional Development Council sa Mayo 15 agud maathagan kag mahatagan sang solusyon ang sitwasyon sa flyover.

Nagalaom man si Cabaluna nga matapos ang pagsolbar sang problema antes ang paskwa.