ILOILO CITY – Magapatigayon ang Department of Education Schools Division of Iloilo sang Supreme Parliamentary 2023.
Ini ang bag-o nga inter-school parliamentary procedure competition para sa mga estudyante sang Schools Division of Iloilo.
Sa interview sang Bombo Radyo kay Rommel Meyandia, Head sang The Supreme Parliamentary 2023, iya ginpahayag nga mahimo magpasakop ang mga bona fide junior high school kag senior high school students sang secondary schools nga enrolled sa Schools Division of Iloilo.
Suno kay Meyandia, ang team ang ginabugusan sang 11 ka mga myembro nga may roles nga ginalakipan sang isa ka chairperson, isa ka vice chairperson, isa ka secretary, kag ang mga nabilin ang mangin kabahin sang members ukon officers.
Ginpahayag dugang sang natungdan nga mahimo magpasakop sa contest subong nga adlaw tubtob sa Mayo 9 pinaagi sa pagbisita sa page sang DepEd Tayo-Youth Formation SDO Iloilo.
Ang una ka napulo ka mga teams nga nakaparehistro ang kwalipikado para sa Supreme Parliamentary 2023 Finals sa Mayo 26, 2023.
