ILOILO CITY – Nagapanawagan ang Employers Confederation of the Philippines sa mga employers nga pataasan ang minimum wage sang ila mga empleyado.

Suno kay Sergio Ortiz Luis, presidente sang organisasyon, kinahanglan nga ipakonsulta kaupod nagkalain-lain nga mga stakeholders ang ginaduso ni Senate President Juan Miguel Zubiri nga P150 across-the-board minimum wage hike para sa pribado nga mga mamumugon.


Ginpahayag dugang sang natungdan nga ang mga nalakip lamang sa pribado nga sektor ang makabenepisyo sang wage increase kun sa diin ginabugusan ini sang 16% sang workforce.

Samtang, ang mga nabilin nga 84% ang indi makabenepisyo.
Ginakabig naman nga patalang ni Luis ang pahayag sang kritiko nga ang minimum wage sa Pilipinas ang indi competitive.

Nahibaluan nga sa tanan nga myembro sang Association of Southeast Asian Nations, ang Pilipinas ang nagapangaduha sa may pinakataas nga minimum wage, sunod sa Indonesia.

Sa subong, ang minimum wage rates sa National Capital Region ang yara sa P533 tubtob P570.