Nagsaka pa sa 11 ang kaso sang Omicron subvariant XBB.1.16 ukon Arcturus sa Pilipinas.
Suno sa Department of Health (DOH), pito diri ang bag-o nga mga kaso kun sa diin duha ang halin sa Region 3; isa sa Region 5; duha sa Region 6; isa sa Region 4B; kag isa sa Cordillera Administrative Region.
Matandaan nga sa probinsya sang Iloilo una nga na-detect ini nga Omicron subvariant sang Abril. Ini amo ang 16 anyos ang pasyente, asymptomatic, kag gin-tag nga naka-recover na.
Ginsundan ini sang tatlo pa ka kaso sa Western Visayas kun sa diin isa ang halin sa Iloilo, isa sa Guimaras, kag isa sa Bacolod City.
Una naman nga gin-athag sang DOH nga wala sang kaangtanan ang apat ka nauna nga kaso sang Arcturus sa internatonal cases kag wala sang history sang exposure.
Natalana pa nga patpaton sang ahensya sa publiko ang pito ka bag-o nga mga kaso kag kun ano ang status sini.
Una naman nga ginkumpirma sang ahensya nga may local transmission na sang amo nga balatian sa pungsod. #
