Pito na ka mga bangkay ang nasapwan matapos naglugdang ang isa ka Chinese fishing vessel sa central Indian Ocean.
Ini inadlaw matapos ginmandu ni Chinese President Xi Jinping ang all-out search agud nga ma-rescue kag ma-recover ang nadula nga mga crew members.
Matandaan nga 39 ang sakay sang amo nga vessel kun sa diin 17 ang Chinese crew members, 17 ang Indonesians, kag lima ang Pinoy apang indi pa subong maathag kun sin-o nga mga crew members ang nasapwan.
Lakip sa mga nagbulig sa pagpangita sa mga crew members amo ang Australia, India, Sri Lanka, Indonesia, Maldives, kag Pilipinas.
Ini nga fishing vessel nga “Lupeng Yuanyu 028” nga naglugdang sang nagligad nga Martes ang naka-base sa Shandong sa China.
Natigayon nga nakit-an sang Sri Lankan divers ang naglalapta nga parte sang cabin sang sakayan suno sa Chinese Ministry of Transport.#
