Naghingyo ang Department of Information and Communications Technology (DICT) sa Kongreso nga magpain man sang confidential kag intelligence funds sa ahensya agud nga maatubang sini sang maayo kag masabat ang nagkalain-lain nga isyu sa Pilipinas kaangot sa cybersecurity.
Sa subong suno sa ahensya, kulang gid ang kapasidad sang gobyerno nga himuon ini bangud “zero” ang budget sang department para sa intelligence funds.
Suno kay Assistant Secretary for Legal Affairs Renato Paraiso, ini nga pondo ang para man kuntani sa data gathering sang DICT bangud maathag man nga wala gid sang visibility ang ahensya subong.
Sandig sa 2015 joint government circular, ang intelligence funds amo ang gamiton para sa intelligence kag counter-intelligence activities nga direkta nga naga-epekto sa national security.
Mahimo ini magamit para sa special projects sa internal security operations, kag mga aktibidad para sa kalinong kag katawhay sa Pilipinas.
Sa Senate Committee on Science and Technology hearing, mangin si Senator Rafael Tulfo ang nagpahayag man nga kinahanglan sang ahensya ang intelligence funds agud makahulag sang maayo kun may mga pagpamahog sa seguridad sang pungsod. #
