Mas nagahina pa ang Bagyo Betty samtang yara ini sa dagat sa nasidlangan sang Batanes.
Ulihi nga nasiplatan ang bagyo sa kalayuon nga 350 km nasidlangan sang Basco, Batanes.
Dala sini ang kabaskugon sang hangin nga tubtub sa 150 km/h malapit sa sentro kag pagmadlos nga tubtub sa 185 km/h.
Sa subong nagahulag ini pa-naaminhan naaminhan-nasidlangan sa kadasigon nga 10 km/h.
Yari ang mga lugar nga napaidalom gihapon sa TROPICAL CYCLONE WIND SIGNAL 2 kun sa diin may minor to moderate threat sa kabuhi kag sa propiedad.
* Batanes, ang northeastern portion sang Cagayan nga Santa Ana kag Gonzaga kag nalakip man ang Babuyan Islands
Yari naman ang mga lugar nga napaidalom sa TROPICAL CYCLONE WIND SIGNAL 1 kun sa diin mabaskog man ang hangin kag may minimal to minor threat sa kabuhi kag propiedad.
* Nabilin nga bahin sang mainland Cagayan, northern kag eastern portions sang Isabela, eastern portion sang Ilocos Norte, Apayao, northern portion sang Kalinga, kag northeastern portion sang Abra
Ang enhanced Southwest Monsoon kag ang outer periphery sang circulation sang bagyo ang mahimo man makapamadlos sa hangin sa masunod nga 24 oras sa Bicol Region, Western Visayas, Aurora, Quezon, Mindoro Provinces, Marinduque, Romblon, Northern Samar, nabilin nga bahin sang Cordillera Administrative Region kag Ilocos Norte apisar nga wala sang ginpapanaog nga Wind Signal.
Apisar nga may gamay nga posibilidad nga magdasig ang lakat sang bagyo sa masunod nga 12 ka oras, gina-forecast nga ang bagyo Betty ang mahinay nga magahulag pa-naaminhan sa katubigan sang east sang Batanes halin subong tubtub buwas nga adlaw.
Pagkatapos sina, magahulag ang bagyo north northeastward sa Huwebes kag northeastward sa Byernes kag masiplatan na ang sentro sini sa katubigan nga yara sa southeast sang Ryukyu Islands sa Japan.
Magaguwa si Betty sa Philippine Area of Responsibility sa adlaw sang Byernes. #
