ILOILO CITY – Ginhingadlan ni Pope Francis ang isa ka Argentine theologian kag prolific author bilang bag-o nga chief sang Dicastery for the Doctrine of the Faith, nga isa pinakamataas nga posisyon sa Vatican.
Si Argentine Archbishop Victor Manuel Fernandez ang kilala man sang una bangud sang libro sini may kaangtanan sa healing properties sang paghalok ukon kissing.
Siya ang maga-monitor sang theological work agud nga masiguro kun nagasunod ini sa doktrina sang Simbahang Katolika kag naga-issue sang guidance, clarifications, kag corrections.
Ang ini nga powerful post ang una nga ginkaptan ni Cardinal Joseph Ratzinger sa sulod sang 23 ka tuig antes ini nangin Pope Benedict sang 2005.
Ang 60 anyos nga si Fernandez ang nagsulat sang halos 300 ka mga libro kag articles kag nangin anay rector sang Pontifical Catholic University of Argentina kun sa diin, nangin dean man ini sang theology department.
Sang siya ang 35 anyos pa lamang sang 1995, ginsulat niya ang libro nga may titulo nga “Heal Me with Your Mouth – The Art of Kissing,” nga gin-publish sang 2017sa lenggwahe nga Ingles.
Ginpahayag niya sa introduction nga ang libro ang wala niya ginsulat base sa iya eksperyensya kundi base sa kabuhi sang mga tawo na nagahalok.
Dugang pa niya, gusto niya nga matutok sa kun ano ang ginasulat sang mga poet may kaangtanan sa paghalok.
Samtang, wala naman ginlakip sang Vatican ang amo nga libro sa partial list sang publications ni Fernandez sa appointment announcement.
Buslan ni Fernandez si Cardinal Luis Francisco Ladaria nga isa ka Spanish Jesuit.
