ILOILO CITY- Ginakabig ni Philippine National Police Chief General Benjamin Acorda Jr. nga dako ang kontribusyon sang partisipasyon sang mga pumuluyo sa kampanya kontra iligal nga druga.
Sa interview sang Bombo Radyo kay General Acorda, iya ginpahayag nga mas aktibo na subong ang pumuluyo sa pag-report sa otoridad tuhoy sa ila nahibaluan nga mga indibidwal nga naga-enggage sa iligal nga aktibidad.
Suno kay Acorda, magapadayon man sa gihapon nga prayoridad sang organisasyon ang pag-ayam sa mga durugista.
Dugang niya, magluwas nga agresibo ang ila kampanya, ginapasiguro man niya nga ini ang tampad.
