ILOILO CITY- Ginatugyan na sang Department of Education Region 6 sa mga manunudlo kun paano mag-innovate sa sulod sang kwarto agud mangin epektibo ang ila pagtudlo sa mga estudyante.
Ini may kaangtanan sa mando ni Vice President kag Education Secretary Sara Duterte nga wala sang ipangtapik nga mga posters ukon educational materials sa mga dingding sa hulot-klasehan.
Sa interview sang Bombo Radyo kay Mr. Hernani Escullar Jr.,spokesperson sang Department of Education Region 6, iya ginpahayag nga sa subong, doble ang ginatutukan sang mga manunudlo samtang nagahilapit ang klase–una ang pagpangkakas sang ano man nga materyales sa ila classroom kag, ikaduha, ang pag-apply sang ila creativity sa paghimo sang mga visual aids.
Nahibaluan nga magaumpisa ang school year 2023-2024 sa Agusto 29 kag magatakop sa Hunyo 14, 2024.
Sa idalom sang Republic Act 11480 nga naga-amend sang Section 3 sang Republic Act No. 7797, ang school calendar ang kinahanglan nga maglawig sang indi magnubo sa 200 ka adlaw apang indi maglapaw sa 220 ka adlaw.
