ILOILO CITY- Ginpasiguro sang Philippine Drug Enforcement Agency nga wala sang nagakatabo nga recycling sang illegal drugs nga ila marecover gikan sa ila mga operasyon.
Sa interview sang Bombo Radyo kay Atty. Bomrad Soc Abonado, spokesperson sang Philippine Drug Enforcement Agency Region 6, iya ginpahayag nga imposible nga mag-recycle sila sang druga bangud nga may ginasunod sila nga standard operation procedure.
Suno kay Abonado, antes ang aktuwal nga mga operasyon sang mga operatiba, may test buy sila nga ginapatigayon para ma-verify ang aktibidad sang ila subject.
Pahayag ni Abonado, gina-request man nila sa korte ang pagsunog sa ila mga recoveries sa tion nga matapos na ang hearing sa kaso sang subject sa ila operasyon.
Ginaengganyo man ni Abonado ang publiko nga indi magduha-duha nga magpalab-ot sang reklamo kun may yara gid man sang mamutikan nga recycling sang illegal drugs.
