ILOILO CITY- Gin-athag sang Public Safety and Transportation Management Office nga madugay na nila nga nanegosyar kaupod ang Department of Public Works and Highways Region 6 ang tag-iya sang duta nga naapektuhan sang pagpatukod sang Ungka flyover.
Ang amo nga tag-iya sang duta ang ginatudlo nga responsable sa pagbutang sang humps sa kilid sang dalan sa Ungka, Jaro nga ginakabig nga delikado sa mga motorista ilabi na kun gab-i.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga wala nagmadinalag-on ang amo nga negosasyon.
Suno kay Conlu, wala nagsugtanay ang Department of Public Works and Highways Region kag ang tag-iya nga ginapahayag isa ka retirado nga myembro sang United States Armed Forces, sa bayad para sa apektado nga portion sang propedad.
Nagpangabay naman si Conlu sa tag-iya nga kuntani maghatag sang konsiderasyon bangud delikado sa publiko ang ginhimo sini.
