ILOILO CITY- Gin-athag sang Department of Trade and Industry Region 6 nga magapatigayon anay sila sang profiling sang mga rice retailers.
Ini may kaangtanan sa Executive Order No. 39 ni President Ferdinand Marcos, Jr. nga naga-set sang price ceiling sa regular kag well-milled rice sa Western Visayas.
Sa interview sang Bombo Radyo kay Department of Trade and Industry Region 6 Officer in Charge Director Ermelinda Pollentes, iya ginpahayag nga maga-monitor pa lang sila sang mga rice retailers kag aang matipon nga resulta ang gamiton agud makadihon sang mga tikang agud ma-assist ang apektado nga mga retailers sang bugas.
Suno kay Pollentes, maga-coordinate man sila sa Department of Agriculture sa monitoring sang presyo kag matumod ang mangin kapierdehan sang mga retailers.
Nahibaluaan nga sa idalom sang Executive Order nga epektibo na kahapon,Septyembre 5, P41 ang price cap sa kada kilo sa regular milled rice kag P45 kada kilo sa well-milled rice.
