Napilian ang Filipino Olympians nga sanday Margielyn Didal kag EJ Obiena bilang flag bearers sang Pilipinas sa 2023 Asian Games sa Hangzhou, China.
Gin-anunsyo ini ni Philippine Olympic Committee (POC) chairman kag Tagaytay City Mayor Abraham Tolentino kadungan sang send-off sa mga atletang Pinoy nga maka-compete sa Asian Games nga opisyal nga magabukas sa Sabado, Septyembre 23.
Halos 500 athletes ang ipadala sang Pilipinas lakip na ang para athletes.
Ang skateboarder nga si Didal ang isa sa apat ka gold medalists sang Pilipinas sa 2018 Asian Games.
Ang pole vaulter naman nga si Obiena amo ang naga-uyat sang Asian record sa amo nga sport nga lab-ot sa 6.00 meters.
Preska man si Obiena gikan sa kadalag-an sa Wanda Diamond League finals sa Hayward Field sa Eugene, Oregon matapos ini nagpangaduha sa world kag Olympic champion nga si Armand Duplantis sang Sweden.
Sang nagligad nga semana, matandaan nga nagpangaduha man si Obiena kay Duplantis sa World Athletics Championships sa Budapest, Hungary.
Nahibaluan nga si Obiena man ang labing-una nga Pinoy nga naka-qualify sa 2024 Paris Olympics. #
