ILOILO CITY- Narekober na ang bangkay sang rebelde nga napatay sa engkwentro batok sa tropa sang militar sa Brgy. Jayubo, Lambunao, Iloilo.
Natabo ang engkwentro sa tunga sang mga katapo sang 82nd Infantry Battalion sang Phil. Army kag mga myembro sang Communist Terrorist Group nga Baloy Platoon, Central Front Kometing Rehiyon – Panay sa Sitio Agdalusan sa amo nga barangay.
Ang napatay isa ka lalaki, ginabanta 20 tubtob 30 ang edad kag pangayaw sa lugar.
Nahibaluan nga magluwas sa casualty sa bahin sang mga rebelde, isa man ka suldado ang patay sa engkwentro.
Sa interview naman sang Bombo Radyo kay Jayubo Punong Barangay Milky Lira, iya ginpahayag nga pagkatapos sang engkwentro, nagpalab-ot sang mensahe ang mga rebelde nga buligan sila nga mapatigayon ang ila pag-surrender.
Suno kay Lira, ginkumpirma man sang mga rebelde nga may mga pilason pa gid sa ila kaupdanan.
