ILOILO CITY- Indi pa 100% nga compliant sa ginapatuman nga price cap sa bugas ang mga rice retailers sa Western Visayas sa sulod sang tatlo ka semana matapos nga ginpagwa ni Presidente Ferdinand Marcos Jr. ang Executive Order 39.
Sa interview sang Bombo Radyo kay Ma. Teresa Solis, Chief sang Agri Business and Marketing Assistance Division sang Department of Agriculture Region 6, iya ginpahayag nga base sa ila latest monitoring, 60% pa lang ang nagapatuman sang P41 per kilo sa regular milled rice kag 70% ang nagapatuman sang P45 per kilo sa well milled rice.
Suno kay Solis, nagapanguna nga rason diri amo nga mahal man ang presyo halin sa ila mga suppliers gani indi man madali-dali sang mga retailers ang pagpanubo sang ila presyo.
Apang suno sa natungdan, nagataas man adlaw- adlaw ang porsyento sang retailes nga naga-comply bangud man sa ginahatag nga financial assistance sang gobyerno.
