ILOILO CITY – Gin-athag sang Philippine Health Insurance Corporation nga wala na-apektuhan ang database sang mga myembro sini sa natabo nga ransomware attack sa mga servers.
Sa isa ka statement, ginklaro sang PhilHealth nga ang impormasyon, claims, contributions kag accreditation sang mga myembro nga naka-store sa isa ka separado nga database ang intact kag wala na-apektuhan sang cyberattack.
Pahayag sang state-run insurer, ang mga application servers kag workstations sang mga empleyado ang na-apektuhan.
Ginapatigayon naman ang inventory agud nga matumod ang extent sang information nga posible nga nakuha nagikan sa sini nga mga workstations.
Sang Setyembre 22, gin-atake sang Medusa ransomware ang PhilHealth nga nangin rason sang temporaryo nga pag-shutdown sang mga online systems.
Suno sa report, nagpamahog pa ang mga hackers nga pagwaon ang ginkawat nga date nagikan sa database sa tion nga mapaslawan ang ahensya sa paghatag sa ila sang $300,000 ukon P17 million nga ransom.
Apang, nagpahayag ang PhilHealth nga indi sila magbayad sang amo ka dako nga balor sang kwarta.
