ILOILO CITY- Ginalantaw ni Iloilo Gov. Arthur Defensor, Jr. nga ang pag- lift ni Presidente Ferdinand “Bongbong” Marcos, Jr. sang price ceiling sa bugas ang patimaan nga full swing na ang harvest season sang humay.
Sa interview sang Bombo Radyo kay Gov. Defensor, iya ginpahayag nga bisan paano nakabulig man sa mga consumers ang pagpatuman sang price ceiling.
Suno kay Gov. Defensor, ginasiguro lamang sang gobyerno nga balanse ini sa tanan pinaagi sa paghimo sa bugas nga accessible para sa mga Filipinos.
Sa bahin sang probinsya sang Iloilo pahayag sang gobernador, ginatinguhaan gid nga mapataas ang rice production agud indi na kinahanglan pa nga mag- import.
Nahibaluan nga sang ginpaguwa ang Executive Order sang Presidente, gilayon nga ginsapol ni Gov. Defensor ang mga rice retailers kaupod ang Department of Agriculture Region 6 kag National Food Authority.
Sa Executive Order 39, ang regular milled rice ang yara sa P41/kilo samtang ang well milled rice ang yara sa P45/kilo.
