ILOILO CITY- Naglab-ot na sa 15 ka mga kandidato para sa Barangay and Sangguniang Kabataan elections ang gindagdagan sang show cause order sang Commission on Elections sa Iloilo City bangud sa premature campaigning.
Sa interview sang Bombo Radyo kay Mr. Jonathan Sayno, election assistant II sang Iloilo City Commission on Elections, iya ginpahayag nga ang pinakaulihi nga nagdugang amo ang lima ka show cause order sa mga kandidato sa Bitoon, Jaro.
Suno kay Sayno, kalabanan sa sahi sang premature campaigning nga nakumiter sang mga kandidato amo ang pag-post sang ila kandidatura sa social media kag ang pagpakigbahin sa mass gathering.
Gin-athag naman ni Sayno nga wala sila sang monitoring sa reply sang mga kandidato sa show cause orders bangud nga nagadiretso sa central office ang sabat sang mga kandidato kag ang law department ang maga-assess kun may ground for disqualification batok sa mga kandidato.
Dugang ni Sayno, sa subong, wala pa sang na-disqualify sa Iloilo City bangud sa premature campaigning.
