ILOILO CITY- Ginbaha ang lima ka barangay sa San Enrique, Iloilo kasunod sang pagbubo sang mamunog nga ulan.
Ini amo ang Brgy. Lip-ak, Compo, Imbang Pequeño, Cabugao Nuevo, kag Asisig.
Suno kay PCpt. Airel Dawn Parcon, ang Officer in Charge sa San Enrique Municipal Police Station, nag-amat- amat na evacuate ang pila ka mga pamilya padulong sa evacuation center bangod sa pagtaas sang lebel sang tubig sa ila area.
Suno kay Parcon, may yara na sang 35 ka indibidwal sa Brgy. Compo nga nag- evacuate sa San Enrique Elementary School.
May gin-rescue naman ang San Enrique Bureau of Fire Protection nga anom ka pamilya ukon 19 tanan ka indibidwal sa Brgy. Lip-ak.
Sa subong, padayun pa ginamonitor kag ginabantayan sang otoridad ang sitwasyon.
