Nagapati ang isa ka human rights lawyer na indi dapat magpahilabot ang Pilipinas sa gyera sa tunga sang Israel kag Palestinian militant group nga Hamas.
Sa interview sang Bombo Radyo kay Atty. Jobert Pahilga, founding member sang the National Union of People’s Lawyers, iya ginpahayag nga indi dapat magdabok ang Pilipinas sa nasambit nga gyera.
Suno kay Pahilga, nagakadapat nga mangin neutral ang Pilipinas kag respetuhon ang kinamatarong sang Palestine kag Israel.
Sa baylo nga magpahilabot, mas maayo suno sa natungdan nga tutukan sang pungsod ang sitwasyon sang mga Pilipino sa Israel.
Matandaan nga una na nga ginkondena sang Malacañang ang ginhimo nga pag-atake sang Hamas sa Israel sa diin linibo na ang napatay lakip na ang duha ka mga Pilipino.
