Napilitan ang health officials sa Gaza Strip nga i-sulod sa ice cream freezer trucks ang bangkay sang mga Palestinians bangud sa pagpanglakaak sang numero sang patay tuga sang air strikes sang Israel.
Photo: REUTERS/ Stringer
Suno kay Dr. Yasser Ali sang Shuhada Al-Aqsa hospital sa Deir Al-Balah, 10 ka lawas lamang ang mabutang sa mga morgue sa ospital gani nga gindala na ang freezers sang ice cream halin sa ice cream factories agud may sudlan sang mga bangkay sang mga sibilyan.
Sa rekord sang Palestinian Ministry of Health sa Gaza, yara na sa 2,450 ka mga tawo ang napatay sa Palestine halin sang nagtimalos ang Israel kag nagpatigayon sang air assault.
Gutok ang mga ospital bangud magluwas sa mga patay, masobra 10,000 ang nagkalasamaran kag kulang naman ang espasyaso sa mga patyo.
Matandaan nga una na naghatag sang ligwa ang Israeli military nga makaguwa ang Gazans sa northern Gaza antes ini magpatigayon sang ground kag air assault agud madugmok ang armado nga Hamas nga nagpatay sang masobra 1,300 ka Israeli sang nagligad nga Sabado. #
