ILOILO CITY- Nagpadulong sa Iloilo City Hall kag nagpangayo sang pasaylo ang driver sang salakyan nga nakabunggo sa 42 ka plant boxes sa taytay sa Diversion Road, Mandurriao, Iloilo City.
Sa interview sang Bombo Radyo kay Mr. Jeck Conlu, pinuno sang Public Safety and Tranportation Management Office, iya ginpahayag nga nag-ako ang driver nga napiyungan ini rason nga nadalasa sang iya ginamaneho nga Toyota vios ang mga plant boxes sa bike lane.
Suno kay Conlu, ginpahayag sang amo nga driver nga ginkulbaan ini matapos ang insidente rason nga subong nga adlaw lang ini nagpadulong sa Iloilo City Hall.
Pahayag ni Conlu, ginpakadto ang driver sa opisina sang Beautification Program kag ginpahibalo sa iya nga kapin P100,000 ang damage nga iya natuga.
Suno sa natungdan, willing man mag-settle ang driver apang hulaton anay nga makapahimo ang syudad sang ibulos nga mga plant boxes kag amo ang pagbayad sang driver.
