ILOILO CITY- Nagapati ang Philippine Nurses Association of the Philippines Western Visayas Chapter nga tion na para i-update ang disciplinary measures sa kada educational institution.
Ini ang may kaangtanan sa issue sang isa ka student nurse nga ginkadlawan ang pasyente nga napatay.
Sa interview sang Bombo Radyo kay Dr. Rosanna Grace Belo Delariarte, Governor sang Philippine Nurses Association Region 6, iya ginpahayag nga dapat lantawon sang tagsa ka eskwelahan ang policies and guidelines nga ginapatuman nila sa subong bangud ang iban diri ang indi na updated.
Suno kay Dr. Delariarte, dapat matudlo sa mga student nurse ang husto kag sala nga pamatasan ilabi na sa paggamit sang social media.
Pahayag niya, dapat man ipahanumdom sa ila sang importansya sang confidentiality kag privacy ilabi na ang pagrespeto sa isigkatawo.
