ILOILO CITY- Ginaduso ni Iloilo Governor Arthur Defensor Jr. ang P5,132,534,481 nga executive budget para sa 2024.
Ang nasambit nga proposal nga ginpasa na sa Sangguniang Panlalawigan ang mas nagtaas sang P19 million kun ipaanggid sa subong nga tuig nga pondo.
Sa interview sang Bombo Radyo kay Governor Defensor Jr., iya ginpahayag nga ang proposed Executive Budget para sa 2024 ang ginalakipan sang P4,174,923,572 sa General Fund kag P957,610,909 sa Local Economic Enterprises.
Suno kay Defensor, ang nasambit nga pondo ang ipain para sa mga programa, turismo, water supply, Provincial-led Agricultural and Fisheries Extension Systems (PAFES) kag renewable energy.
Dugang sang gobernador, ang budget sa Local Economic Enterprises ang ipain para sa sweldo sang health workers kag personnel sang 12 ka mga district hospitals kag sa Iloilo Provincial Hospital sa Pototan, Iloilo.
Nahibaluan nga sang 2023, gin-aprubahan sang Sangguniang Panlalawigan ang General Fund nga P4,182,735,093 kag masobra P900 million para sa local economic enterprise.
