ILOILO CITY- Arestado ang maglive-in partner sa ginpatigayon nga buy bust operation sang City Drug Enforcement Unit sa Brgy. Rizal, La Paz, Iloilo City.
Ang mga nadakpan amo ang subject nga si alyas Juvic, 27, residente sang Rizal, Lapuz kag alyas Pam, 37, residente sang San Jose, Molo, Iloilo City.
Sa interview sang Bombo Radyo kay PLtCol Antonio Benitez Jr., head sang City Drug Enforcement Unit, iya ginpahayag nga yara sa listahan sang newly identified drug personality sang nasambit nga barangay ang mga arestado kag duha man ka semana nga ginpaidalom sa surveillance.
Naglab-ot naman sa 408,000 nga balor sang ginaalegar shabu nga may kabug- aton nga 60 gramos ang nakumpiska sa maglive-in partner.
Hugot naman nga ginpanginwala ni alyas Pam nga involved ini kag nanindugan nga nagkadto lamang siya sa lugar para mag-inom-inom.
