ILOILO CITY – Wala sang kinamatarong ang Estados Unidos nga mag-intra sa problema sa tunga sang China kag Pilipinas.
Ini ang suno kay Chinese foreign ministry spokesperson Mao Ning kasunod sang pahayag ni United States President Joe Biden nga depensahan sang Washington ang Pilipinas.
Ang China kag ang Pilipinas ang may madamo na nga high-profile confrontations sa West Philippine Sea kun sa diin ang kalabanan diri ang natabo sa gina-awayan nga teritoryo sa palibot sang Ayungin Shoal nga kabahin sang Spratly Islands.
Sang nagligad nga Domingo, ginbunggu-an sang Chinese vessel ang barko sang Pilipinas kag mabaskog nga ginkondenar sang Manila ang kaangay nga “dangerous blocking maneuvers” sang vessel.
Suno kay Mao, dapat nga indi mag-apekto sa soberanya kag maritime interests sang China sa West Philippine Sea ang pagdepensa sang Estados Unidos sa Pilipinas.
Pahayag niya, dapat nga indi man ini mag-enganyo kag magpabaskog pa sa illegal claims sang Pilipinas.
Sang damlag lang, ang Estados Unidos kag ang Pilipinas ang may kasugtanan may kaangtanan sa bag-o nga mga pagsulundan sa 1951 Mutual Defense Treaty.
