ILOILO CITY- Ginakabig ni Iloilo City Mayor Jerry Treñas nga pihu na ang pag-reelect kag Punong Barangay Maria Irene Ong sang President Roxas, Iloilo City Proper bilang Liga President.
Sa interview sang Bombo Radyo kay Mayor Treñas, iya ginpat-od nga suportado niya si Ong nga una na nagkumpirma nga magapadalagan ini bilang presidente sang liga.
Suno sa alkalde, nalipay man ang iban nga mga punong barangay sa liderato ni Ong.
Pahayag niya, subong pa lang ginapanginbulahan na niya ang nasambit nga punong barangay nga amo subong ang incumbent nga Presidente sa Liga ng mga Barangay sa syudad.
Antes sini, naggwa man ang pangalan ni Punong Barangay James Conlu sang Bo. Obrero, Lapuz kag Punong Barangay Julie Baronda sang Javellana Extension, Jaro nga ginabati- bati nga magpadalagan man bilang Liga President.
