Magakit-anay sanday US President Joe Biden kag Chinese President Xi Jinping sa masunod nga semana kadungan sang tuigan nga meeting sang mga lider sa Asia-Pacific Economic Cooperation (APEC) economies sa California.
File: Kevin Lamarque/Reuters
Ini pa lamang ang ikaduha nga face-to-face meeting sang duha ka lideres halin sang nagpungko si Biden bilang presidente sang USA.
Suno sa American officials, lakip sa mahimo istoryahan amo ang giyera sa tunga sang Israel kag Hamas, ang tensyon sa Taiwan, kag ang pagpang-atake sang Russia sa Ukraine.
Sa sini nga tuig, lakip sa mga isyu nga nagpaluya pa sang relasyon sang China kag Amerika amo ang pag-akusar sang US sa Beijing nga nagpalupad sang spy balloon — butang nga gintawag naman sang China nga isa lamang ka weather balloon kag “overacting” lamang ang Washington.
Ang isa pa ka mainit nga isyu amo ang pag-bisita ni anay Speaker Nancy Pelosi sa Taiwan, teritoryo nga gina-claim sang China. Ang amo nga pagbisita ang rason kun ngaa gin-utod sang China ang komunikasyon sang militar sang duha ka pungsod. #
