ILOILO CITY- Balik presuhan ang isa ka ex- convict matapos madakpan sa ginpatigayon nga drug buy-bust operation sa Zone 2, Barangay Baldoza, Lapaz, Iloilo City.
Ini amo si Rex Dela Peña nga una nga napreso sa kaso nga murder sang 2010 kag nakagwa sang 2018 kag kaupod nga nadakpan si Jay Jalleto.
Lunsay residente sang nasambit nga lugar ang duha.
Sa interview sang Bombo Radyo kay Police Lieutenant Colonel Antonio Benitez, pinuno sang Iloilo City Drug Enforcement Unit, iya ginpahayag nga tatlo ka semana ang monitoring kanday Dela Peña kag Jalleto.
Suno kay Benitez, naobserbahan sang mga residente sa lugar nga kun gab-e, may nagasulod nga mga tawo kag ginapatay ang suga sa , rason nga gintutukan sang City Drug Enforcement Unit ang hulag sang mga ini.
Nakuha sa duha ang 145 grams sang suspected shabu nga may standard drug price nga P986,000.
Kaso nga paglapas sa Republic Act 9165 ukon Comprehensive Dangerous Drugs Act of 2002 ang ipasaka batok sa mga ini.
