ILOILO CITY – Nagtaliwan na ang two-time Olympian kag basketball player nga si Antonio “Tony” Genato sa edad nga 94.
Ang kamatayon ni Genato ang gin-anunsiyo sang Philippine Sports Commission.
Si Genato ang nangin kabahin sang Philippine team nga nag-compete sa 1952 Helsinki kag 1956 Melbourne Olympics.
Siya man ang nangin team captain sang national team nga nagdaog sang bronze medal sa 1954 FIBA World Championship.
Ini sa gihapon ang highest finish sang isa ka Asian team sa anuman nga edition sang basketball World Cup.
Sang 1954 Asian Games, nangin kabahin si Genato sang Philippine team nga nagdaog sang gold medal.
Naghampang man ini sa San Beda Red Lions sa iya National Collegiate Athletics Association stint.
